АТИНА, Грција од 03 до 06 Октомври 2024 година
-Предизвиците во јавните набавки – практични искуства и најдобри практики
Почитувани, на наше огромно задоволство во соработка со најголемите експерти и практичари од областа на јавните набавки организираме тридневна работилница на тема „Предизвиците во јавните набавки – практични искуства и најдобри практики“
Искористете ја оваа можност за учество на работилницата на која ќе бидат презентирани најдобри практики при примената на законските одредби и ќе бидат споделени практични искуства од конкретни проблематични ситуации и начинот на кои истите биле решени во согласност со закон.
Обуката има за цел стекнување со знаења, вештини и компетенции, како и стручно усовршување во областа на јавните набавки заради транспарентно, стручно, економично и ефикасно спроведување на постапките за јавни набавки на сите нивоа. Преку обуката ќе се усовршат теоретските и практични знаења преку осврт на клучните аспекти од примената на Законот за јавните набавки и користењето на Електронскиот систем за јавни набавки при спроведување на постапките.
ТЕМИ КОИ ЌЕ БИДАТ ОПФАТЕНИ:
Сесија 1: Права и обврски на учесниците во постапките за јавни набавки
Сесија 2: Прифатлива понуда
- Која е содржината на тендерската документација?
- Како да се прибере потребната документација?
- Како да се користат дигиталните сертификати?
- Корисни совети за економските оператори;
Сесија 3: Групна понуда, поддршка од друг субјект и подизведувачи
- Зошто се користат?
- Кои се предности и слабости на групната понуда, подизведувањето и поддршката од други субјекти?
- Која е разликата помеѓу подизведувач и користење способност од друг субјект?
- Како се докажува способноста во секој од овие случаи?
- На што да се внимава при составување на договорот за групна понуда?
Сесија 4: Најчести повреди при спроведувањето на постапките за јавни утврдени во постапката на правна заштита
- Неусогласеност на податоците во огласот и тендерската документација;
- Најчести слабости при евалуација на понудите;
- Пропуст за одговарање на прашањата поставени од економските оператори;
- Најчести жалбени наводи во однос на невообичаено ниски цени групни понуди и подизведувачи;
Сесија 5: Управување со договорите за јавни набавки
- Кои се можностите за анексирање на договорот?
- Како да се документираат причините за измена на договорот?
- Дали вишата сила и променетите околности може да доведат до престанок или пак до измена на договорите за јавни набавки?
- Промена на технологиите како причина за анексирање на договорите;
Предавачи на семинарот: истакнати експерти од практиката
Цената за пакет аранжман за работилница со вклучени принтани материјали изнесува 48,000 денари
Пријавување и уплата до 06 септември 2024 година
